A galería do Portal de Mondoñedo comezou a contabilizar as visitas a cada unha das fotos o 6 de xuño de 2004. En pouco máis de 4 anos as imaxes desta web foron vistas máis de 1.000.000 de veces. Moitas gracias por visitar O Portal de Mondoñedo.

As feiras e festas de As San Lucas 2008 comezarán o 16 de outubro co pregón de D. José María Eirós Bouza (Profesor de Microbioloxía na Facultade de Medicina da Universidade de Valladolid) e prolongaranse ata o día 20.
Tal e como avanzamos nesta web, as festas contarán coa actuación das mellores orquestras, o concerto do grupo de Rock-Metal "Los Suaves", a primeira edición do concurso canino "Cidade de Mondoñedo", a tradicional feira de gando, teatro, festival infantil e moitas cousas máis.
A comisión de festas de As San Lucas 2008 escolleu unha fotografía desta web para o cartel e o programa das festas. Podes ver o programa completo entrando en ler máis.

Como é habitual, as feiras e festas de As San Lucas 2008 contarán cun concurso de gando e un concurso de andadura galega o mesmo día da feira. Podes ver o cartel cos premios destinados a cada unha das categorías do concurso entrando no enlace de ler máis.

As feiras e festas de As San Lucas 2008 comezarán o xoves 16 de outubro e prolongaranse ata o luns 20.
O día 16 iniciaranse os festexos co tradicional pregón e a música das orquestras "Sintonía de Vigo" e "Panorama".
O venres 17 terá lugar, na Praza da Catedral, o concerto gratuito de "Los Suaves" e a actuación das orquestras "Noche de estrellas" e "Master" na Alameda dos Remedios.
O sábado 18, día de As San Lucas, celebrarase a feira de gando e actuarán as orquestras "Televisión" e "Costa Oeste". Ademáis, ó longo da fin de semana celebrarase o primeiro concurso canino "Cidade de Mondoñedo".
O domingo 19, as orquestras "Montes" e "Olympus" serán as encargadas de amenizar a xornada festiva. O luns 20, día das Maulas, actuarán as orquestras "Charleston" e "Tekila".

Os días 18 e 19 de outubro, dentro do programa das feiras e festas de As San Lucas, a nosa cidade celebrará a primeira edición do concurso canino "Cidade de Mondoñedo".
O concurso comezará o sábado 18 ás 17:00h con exhibicións de agility ou axuda a discapacitados, entre outros. O domingo 19 ás 10:00h comezarán os xuízos, agrupados por razas, e ás 17:00h terán lugar as finais do concurso.
Para máis información sobre o concurso e sobre os prazos de inscripción descargar o tríptico adxunto no seguinte enlace.

Segundo puido saber o Portal de Mondoñedo, o grupo de Rock-Metal "Los Suaves", actuará na nosa cidade o día 17 de outubro, dentro do programa das festas de As San Lucas. Todavía descoñecemos a hora do concerto. Seguiremos informando.

Engadimos novas imaxes á galería fotográfica de Mondoñedo. Nesta ocasión, ampliamos a nosa colección con fotos das parroquias do noso municipio, atendendo deste xeito a demanda de moitos usuarios da páxina.
Dentro desta nova entrega pódense ver imaxes da capela de San Ramón e paisaxes de Viloalle, Argosomo, Supena,... entre outros lugares.
Lembramos ós visitantes desta web que poden colaborar enviando as súas fotografías ó noso enderezo de correo electrónico Este enderezo de correo electrónico está protexido contra os robots de spam; necesita ter Javascript activado para podelo ver e axudarnos a completar a galería con imaxes de tódolos rincóns de Mondoñedo. Para ver as fotos das parroquias de Mondoñedo entra no seguinte enlace.

A Asociación Abriendo Camino rematou a pasada fin de semana a segunda fase do seu proxecto para a recuperación das peregrinacións polo Camiño Norte de Volta dende Santiago á Catedral de Oviedo.
Durante esos días, visitaron Covadonga e a Catedral do Salvador de Oviedo. Ademáis, os Concellos de Avilés, Corvera e Llanera recibiron ós integrantes da Asociación. Podes ver fotografías das actividades levadas a cabo pola Asociación Abriendo Camino entrando no enlace de ler máis.

A Asociación Abriendo Camino rematará este domingo a segunda fase do proxecto de recuperación das peregrinacións polo Camiño Norte de Volta de Santiago cunha ofrenda ó Salvador na Catedral de Oviedo. Podes ler o texto íntegro da ofrenda entrando en ler máis.

Este domingo celebrouse o día grande das festas patronais dos Remedios. O Alcalde de Ribadeo foi o encargado de realizar a ofrenda na misa das 12 da mañá. A ceremonia foi cantada polo Orfeón da Sociedade de Obreiros de Mondoñedo e, unha vez rematada a celebración, tivo lugar a procesión polo itinerario habitual, pero esta vez acompañada pola Banda Sinfónica Municipal do Concello de Ribadeo.
Ofrecémosche as imaxes do máis destacado das festas patronais. Podes ver as fotos entrando no seguinte enlace.

[ver fotografías]