El Portal de Mondoñedo en FacebookSíguenos en TwitterVídeos de Mondoñedo en YouTubeTitulares RSSGalería de fotosBuscar en El Portal de MondoñedoMindonienses en el mundoAgendae-mail gratis
Mondoñedo
Inicio
Monumentos
Historia
La Ciudad
Naturaleza
Personajes
Ferias y fiestas
Mondoñedo en cifras
Con voz propia
Fotografías
Galería de fotos
Viaje al pasado
Fondos de pantalla
Mondoñedo TV
Idioma
Página en Español
Páxina en Galego
Actualidad
Noticias
Elecciones Municipales
Cultura
Deportes
Reportajes
Novedades de la web
Calendario
Servicios
Mapa de la emigración
Agenda
Enlaces web
Libro de visitas
E-Mail Gratis (GMAIL)
E-Mail Gratis (ZZN)
Sala de Juegos
Info mondonedo.net
Mapa del sitio
Colabora
Uso de cookies
Buscador
En linea...
Contador
22772831 visitas
 
Candia anuncia a incorporación dun artesán de cantería nos Muíños
10 / 10 / 2015 > Actualidad Compartir en Facebook Compartir en Twitter
Artesanía
A alcaldesa e o artesán Fernando Vilariño, chegaron a un acordo para asinar o convenio que marca un “paso adiante neste proxecto de posta en valor dos oficios tradicionais e de dinamización do barrio”.
A alcaldesa, quen explica que o taller ocupará o espazo anexo ao alfar, agradécelle ao artesán, casado e con tres nenas, a súa colaboración con todos os eventos culturais e lúdicos da localidade así como a súa implicación co proxecto de revitalización dos Muíños
O Goberno local tamén traballa na posta en marcha dunha Escola de Alfarería, que garantiría a apertura do alfar durante o horario necesario converténdoo, deste xeito, nun novo recurso turístico para a localidade.
A alcaldesa de Mondoñedo avanza no seu compromiso de revitalizar un proxecto posto en marcha polo PP, cun premio Agader, que beneficia ao barrio e á localidade e que os “socialistas e nacionalistas abandonaron durante o seu goberno”.

NOTA DE PRENSA
Mondoñedo, 10 de outubro de 2015.- A alcaldesa de Mondoñedo,  Elena Candia, anuncia a incorporación dun novo artesán ao Proxecto de Artesanía dos Muíños, que implica a posta en valor dos oficios tradicionais.  Abrirase un taller-museo de cantería, que ocupará o espazo anexo ao alfar, e nel levarase a cabo a actividade artesanal de forma interactiva, podendo os visitantes participar nas actividades, baixo o asesoramento do artesán e onde se establecerá unha tenda para a venda dos produtos. 
A alcaldesa e o artesán Fernando Vilariño Gosende chegaron a un acordo para asinar o convenio que regula a relación entre o particular e o Concello e que se converte “nun paso adiante na revitalización do Proxecto Artesanía Os Muíños, de recuperación destes oficios tradicionais e de posta en valor do barrio, ademais de tratarse dun novo reclamo turístico”.
Agradecemento
Candia mostrase moi contenta con este “avance” e agradece ao “coñecido artesán en Mondoñedo, casado e con tres nenas, tanto a súa colaboración desinteresada en todos os eventos culturais e lúdicos da cidade, como a súa boa disposición para implicarse na dinamización deste proxecto nos Muíños. Necesitamos xente comprometida coa localidade e co proxecto”. 
Avance no compromiso de revitalizar o proxecto
A popular lembra que o Goberno adquiriu o compromiso de revitalizar este proxecto para o que está a promover cambios e “corriximos todo aquilo que consideramos que non se estaba a facer ben. Agora estas modificacións no proxecto empezan a dar os primeiros pasos, coa incorporación deste novo artesán”.  A idea, engade a popular, é a de optimizar os espazos dos que dispón o Concello para revitalizar un proxecto, iniciado polo goberno popular, acadando incluso un premio Agader,  e que os “socialistas e nacionalistas abandonaron, situación derivada da súa falta de compromiso coa localidade”. “Estamos a avanzar no noso compromiso de revitalización do proxecto”, matiza.
Taller de alfarería
Nesta liña de compromiso tanto co proxecto coma co Barrio dos Muíños, o Goberno local tamén está a traballar na posta en marcha dunha Escola de Alfarería, unha iniciativa dos populares para cuxo desenvolvemento están a buscar financiamento das administracións. Segundo explica a alcaldesa, incluiría a celebración dun curso de seis meses durante as horas necesarias que permitise optar á carta de artesán e que se impartiría no alfar dos Muíños. Esta proposta “garantiría a apertura do alfar en horario necesario de tal xeito que o podamos considerar un recurso turístico”, matiza.

Convenio de colaboración
O convenio de colaboración que asinarán entre o Concello de Mondoñedo e o artesán regula a obriga das dúas partes. A administración local porá a disposición do artesán o local e deberao apoiar e asesorar, así como promocionar o seu taller. Mentres que o artesán xestionará e dirixirá o taller-museo e correrá cos gastos de mantemento, ademais de elaborar de xeito artesanal os produtos e promocionar e potenciar o oficio e o barrio dos Muíños. A duración do convenio é dun ano, prorrogable á finalización do mesmo.

 


 
Mondoñedo en Twitter

Mondoñedo en Facebook
Destacados
Mondoñedo nevado Mindonienses en el mundo Viaje al pasado

 
© 2017 Mondoñedo en www.mondonedo.net