El Portal de Mondoñedo en FacebookSíguenos en TwitterVídeos de Mondoñedo en YouTubeTitulares RSSGalería de fotosBuscar en El Portal de MondoñedoMindonienses en el mundoAgendae-mail gratis
Mondoñedo
Inicio
Monumentos
Historia
La Ciudad
Naturaleza
Personajes
Ferias y fiestas
Mondoñedo en cifras
Con voz propia
Fotografías
Galería de fotos
Viaje al pasado
Fondos de pantalla
Mondoñedo TV
Idioma
Página en Español
Páxina en Galego
Actualidad
Noticias
Elecciones Municipales
Cultura
Deportes
Reportajes
Novedades de la web
Calendario
Servicios
Mapa de la emigración
Agenda
Enlaces web
Libro de visitas
E-Mail Gratis (GMAIL)
E-Mail Gratis (ZZN)
Sala de Juegos
Info mondonedo.net
Mapa del sitio
Colabora
Uso de cookies
Buscador
En linea...
Contador
22773487 visitas
 
Elena Candia agradece a visita da conselleira de Infraestruturas e Vivenda
09 / 11 / 2015 > Actualidad Compartir en Facebook Compartir en Twitter
Elena Candia agradece a visita da conselleira de Infraestruturas e Vivenda e a súa boa disposición en relación ás demandas planteadas.
A conselleira informou á rexedora de que “nun breve prazo de tempo” se redactará o proxecto básico de execución de dous edificios na Rúa Muíños.

NOTA DE PRENSA
Mondoñedo, 9 de novembro de 2015.- A alcaldesa de Mondoñedo, a popular Elena Candia, agradece a visita que esta mañá realizou á localidade a conselleira de Infraestruturas e Vivenda, Ethel Vázquez, coa que puido manter unha xuntanza de traballo. Candia felicítase ademais pola boa disposición de Ethel Vázquez sobre os asuntos que trataron.
En concreto, a rexedora trasladoulle a importante da posta en valor, en canto sexa posible, dos inmobles que a Consellería ten en Mondoñedo, nomeadamente no Barrio dos Muíños. Ethel Vázquez trasladou o seu compromiso co comezo “nun breve prazo de tempo” da redacción do proxecto básico de execución nos edificios da Rúa Muíños 26-28. Tamén informou á rexedora de que o mesmo se fará noutro inmoble da mesma rúa.
Elena Candia deulle conta á titular do departamento autonómico do interese amosado por algún particular para compra dalgún dos inmobles, ao tempo que lle solicitou á conselleira que estude esta posibilidade.
Ambas as dirixentes aproveitaron o seu encontro para abordar tamén a situación dun edificio sito nunha finca na Rúa Matadeiro 1, que a Consellería adquiriu anteriormente. A rexedora manifestou o seu interese porque este espazo se poña en valor a través da creación dunha área recreativa no entorno da Ponte Pousa “pola súa singular beleza”, explicou Candia.
 
Outra demandas
A alcaldesa de Mondoñedo trasladoulle á conselleira a necesidade de construír unha senda peonil entre o quilómetro cero da estrada 124, na glorieta de San Lázaro, ata as instalacións deportivas. Candia explicoulle á titular de Infraestruturas e Vivenda que o paseo por esa vía “é moi habitual, polo que sería interesante individualizar o espazo reservado para os peóns para que non exista perigo”. Tamén lle demandou que se prosiga co arranxo da estrada 124 na parte da Avenida Bos Aires e agradeceulle o investimento feito na vía “nun momento económico complexo”
“A valoración da xuntanza non pode ser máis que moi positiva, posto que a conselleira foi receptiva con todas as nosas demandas, comprometeuse ao seu estudo e confiamos en que todas elas teñan resposta nun prazo breve de tempo”, conclúe a alcaldesa.



 


 
Mondoñedo en Twitter

Mondoñedo en Facebook
Destacados
Mondoñedo nevado Mindonienses en el mundo Viaje al pasado

 
© 2017 Mondoñedo en www.mondonedo.net