El Portal de Mondoñedo en FacebookSíguenos en TwitterVídeos de Mondoñedo en YouTubeTitulares RSSGalería de fotosBuscar en El Portal de MondoñedoMindonienses en el mundoAgendae-mail gratis
Mondoñedo
Inicio
Monumentos
Historia
La Ciudad
Naturaleza
Personajes
Ferias y fiestas
Mondoñedo en cifras
Con voz propia
Fotografías
Galería de fotos
Viaje al pasado
Fondos de pantalla
Mondoñedo TV
Idioma
Página en Español
Páxina en Galego
Actualidad
Noticias
Elecciones Municipales
Cultura
Deportes
Reportajes
Novedades de la web
Calendario
Servicios
Mapa de la emigración
Agenda
Enlaces web
Libro de visitas
E-Mail Gratis (GMAIL)
E-Mail Gratis (ZZN)
Sala de Juegos
Info mondonedo.net
Mapa del sitio
Colabora
Uso de cookies
Buscador
En linea...
Contador
22796428 visitas
 
O Concello convoca dous concursos: un de relatos e outro de debuxos
25 / 02 / 2016 > Actualidad Compartir en Facebook Compartir en Twitter
O Concello de Mondoñedo convoca dous concursos de relatos e debuxo nos centros educativos con motivo do Día Internacional da Muller.
Organizado polas concellerías de Asuntos Sociais e Educación, o prazo para a entrega dos traballos remata o 4 de marzo.
Tamén se programan charlas sobre Feminismo e Corresponsabilidade no CEIP Álvaro Cunqueiro.
NOTA DE PRENSA
O Concello de Mondoñedo convoca dous concursos, un de relatos e outro de debuxos nos centros educativos da localidade (CEIP Álvaro Cunqueiro e IES San Rosendo), con motivo da conmemoración do 8 de marzo, Día Internacional da Muller.
A iniciativa está organizada polas concellerías de Asuntos Sociais (a través do CIM) e pola de Educación. O prazo para recibir os traballos remata o próximo 4 de marzo e a entrega de premios será o 18 de marzo no salón de plenos do Concello de Mondoñedo, onde terá lugar tamén unha charla sobre a muller na historia.
A edil de Servizos Sociais, Ángeles Rodríguez, explica que esta convocatoria permitirá “realzar a figura da muller, algo básico para erradicar as desigualdades existentes e por iso dende o Concello de Mondoñedo queremos poñer en valor o día da muller con distintos actos ao longo do mes”. Así,  dende o Centro de Información a Muller tamén se programaron varias charlas, unha sobre ‘As orixes do 8 de marzo. O feminismo’, que terá lugar no CEIP Álvaro Cunqueiro o 9 de marzo, dirixida aos alumnos de sexto de primaria. Mentres que se celebrará outra charla sobre ‘Corresponsabilidade’ tamén no colexio público da localidade, o mesmo 9 de marzo, neste caso para os alumnos de quinto de primaria. 
Pola súa banda, o edil de Educación, Alberto García, indica que “é importante concienciar dende a infancia que a igualdade é algo moi serio, para evitar que nun futuro se converta nun problema lamentable. Non debemos relaxar nunca a educación dende a tolerancia e o respecto. Educar en igualdade é básico para acabar coa violencia de xénero”.

Concurso de debuxo infantil
No concurso de debuxo infantil, baixo o nome de ‘Debuxando en Igualdade’, poderán participar todos os nenos e nenas matriculados nos centros educativos de Mondoñedo nos cursos de primeiro a sexto de Primaria, establecéndose varias categorías. Unha categoría A, para o alumnado de primeiro e segundo de Primaria, unha categoría B, para o alumnado de terceiro e cuarto de Primaria e unha C, para o alumnado de quinto e sexto de Primaria. 
O traballo consistirá nun debuxo en soporte de cartulina de tamaño mínimo DIN-A4 e máximo DIN-A3 sobre a igualdade entre mulleres e homes en calquera dos ámbitos da vida (familiar, social, laboral...). 
Haberá dous premiados por cada categoría e recibirán lotes de libros e material escolar.

Concurso de relatos curtos
No concurso de relatos curtos, baixo o nome ‘Letras para a Igualdade’, poderán participar todos os rapaces e rapazas matriculados nos centros educativos de Mondoñedo nos cursos de primeiro a cuarto de Educación Secundaria Obrigatoria e primeiro e segundo de Bacharelato, establecéndose tres categorías. Unha categoría A para o alumnado de primeiro e segundo da ESO, unha categoría B para o alumnado de terceiro e cuarto da ESO e unha C para o alumnado de primeiro e segundo de Bacharelato. 
O traballo consistirá nun relato curto, manuscrito, de extensión máxima de cinco follas tamaño DIN-A4, por unha soa cara, sen ilustracións. A temática será a igualdade entre mulleres e homes en calquera dos ámbitos da vida (familiar, social, laboral...). 
Haberá dous premiados por cada categoría e os premios consistirán en lotes de libros e material escolar.

 


 
Mondoñedo en Twitter

Mondoñedo en Facebook
Destacados
Mondoñedo nevado Mindonienses en el mundo Viaje al pasado

 
© 2017 Mondoñedo en www.mondonedo.net