El Portal de Mondoñedo en FacebookSíguenos en TwitterVídeos de Mondoñedo en YouTubeTitulares RSSGalería de fotosBuscar en El Portal de MondoñedoMindonienses en el mundoAgendae-mail gratis
Mondoñedo
Inicio
Monumentos
Historia
A Cidade
Natureza
Persoeiros
Feiras e festas
Mondoñedo en cifras
Con voz propia
Fotografías
Galería de fotos
Viaxe ó pasado
Fondos de pantalla
Mondoñedo TV
Idioma
Página en Español
Páxina en Galego
Actualidade
Noticias
Eleccións Municipais
Cultura
Deportes
Reportaxes
Novidades da web
Calendario
Servicios
Mapa da emigración
Axenda
Enlaces web
Libro de visitas
E-Mail Gratis (GMAIL)
E-Mail Gratis (ZZN)
Sala de Xogos
Info mondonedo.net
Mapa do sitio
Colabora
Uso de cookies
Buscador
En liña...
Contador
22792408 visitas
 
Nace en Mondoñedo a Asociación de Concellos do Camiño Norte da provincia de Lugo
06 / 06 / 2016 > Actualidade Compartir en Facebook Compartir en Twitter
Está formada polos Concellos de Ribadeo, Barreiros, Trabada, Lourenzá, Mondoñedo, Vilalba, Begonte, Friol e Guntín.
O obxectivo dos seus membros é o de facer promoción desta ruta e trasladar as reivindicacións conxuntas sobre as necesidades que ten o Camiño ao seu paso polos Concellos adheridos.

NOTA DE PRENSA
A alcaldesa de Mondoñedo, Elena Candia, deu conta do nacemento da Asociación de Concellos do Camiño Norte na que se integran Ribadeo, Barreiros, Trabada, Lourenzá, Mondoñedo, Vilalba, Begonte, Friol e Guntín.
A iniciativa, promovida desde finais do pasado ano pola rexedora popular, nace co obxectivo de facer promoción do Camiño Norte e as reivindicacións conxuntas sobre as necesidades que ten a ruta ao seu paso polos Concellos adheridos. 
Hoxe mesmo tivo lugar en Mondoñedo a reunión na que se rubricou o acordo de constitución dos concellos membros. No encontro acordouse que a Asociación sexa presidida polo alcalde de Begonte, José Ulla Rocha e contará co alcalde de Ribadeo, Fernando Suárez Barcia, como vicepresidente.
Os mellores servizos para os peregrinos
Os membros que conforman a asociación avanzan que valoran levar a cabo accións máis concretas, como actividades culturais ou  de ocio para os camiñantes. As administracións locais implicadas coinciden na importancia e na necesidade de que os concellos se impliquen para ofrecer bos servizos aos peregrinos.
Tamén destacan a necesidade de que o camiño e os concellos polos que atravesan estean unidos, como así se ve nesta asociación, con representantes de todos os partidos políticos. 
Os membros explican que a asociación nace integrada por estes nove concellos, aínda que non descartan que se incorpore a iniciativa privada, se así se considera. 
Os responsables dos nove concellos adheridos asinaron hoxe a acta constituínte e volverán a reunirse no prazo dun mes cun documento de traballo no que xa se recollerán accións concretas a desenvolver  para promover o Camiño Norte da Provincia de Lugo.
 

 


 
Mondoñedo en Twitter

Mondoñedo en Facebook
Destacados
Mondoñedo nevado Mindonienses no mundo Viaxe ó pasado

 
© 2017 Mondoñedo en www.mondonedo.net