El Portal de Mondoñedo en FacebookSíguenos en TwitterVídeos de Mondoñedo en YouTubeTitulares RSSGalería de fotosBuscar en El Portal de MondoñedoMindonienses en el mundoAgendae-mail gratis
Mondoñedo
Inicio
Monumentos
Historia
La Ciudad
Naturaleza
Personajes
Ferias y fiestas
Mondoñedo en cifras
Con voz propia
Fotografías
Galería de fotos
Viaje al pasado
Fondos de pantalla
Mondoñedo TV
Idioma
Página en Español
Páxina en Galego
Actualidad
Noticias
Elecciones Municipales
Cultura
Deportes
Reportajes
Novedades de la web
Calendario
Servicios
Mapa de la emigración
Agenda
Enlaces web
Libro de visitas
E-Mail Gratis (GMAIL)
E-Mail Gratis (ZZN)
Sala de Juegos
Info mondonedo.net
Mapa del sitio
Colabora
Uso de cookies
Buscador
En linea...
Contador
22773804 visitas
 
O proxecto ‘No bico un cantar’ converterá Mondoñedo na capital da cultura galega o dous de xuño
19 / 04 / 2017 > Actualidad Compartir en Facebook Compartir en Twitter
No bico un cantar
Elena Candia presidiu esta mañá a presentación da iniciativa ‘No bico un cantar, promovida pola Consellería de Cultura, Educación e Ordenación Universitaria e o Consello da Cultura Galega e que na súa quinta edición rende homenaxe aos poetas mindonienses.
A alcaldesa de Mondoñedo precisou que “o Concello de Mondoñedo estará sempre do lado da educación en valores, do traballo en equipo e na defensa da cultura e a lingua galega a través dos nosos autores máis representativos”
A popular tamén reivindicou o lugar destacado que Mondoñedo debe ocupar no centro da cultura galega pola enorme contribución que ten feito a cidade a través de versos como son os de Cunqueiro, Noriega Varela, Díaz-Jácome, Leiras Pulpeiro e Iglesia Alvariño.
 
 
NOTA DE PRENSA
A alcaldesa de Mondoñedo, a popular Elena Candia, valorou esta mañá o privilexio que supón desenvolver na cidade a iniciativa ‘No bico un cantar’, promovida pola Consellería de Cultura, Educación e Ordenación Universitaria e o Consello da Cultura Galega.  Na súa quinta edición, este proxecto rende homenaxe aos poetas mindonienses a través das voces dos alumnos e das alumnas dos conservatorios profesionais de música de Galicia. “A inclusión en ‘No bico un cantar’ converterá a Mondoñedo na capital da cultura galega o vindeiro día dous de xuño”, considera a rexedora.

Elena Candia participou esta mañá na presentación que se fixo da iniciativa no Salón de Plenos do Concello de Mondoñedo, na que tamén participaron o presidente do Consello da Cultura Galega, Ramón Villares;  o secretario xeral de Cultura da Xunta de Galicia, Anxo Lorenzo; e o membro do Consello da Cultura Galega e director musical da actividade, Maximino Zumalave.
 
No bico un cantar 
 
Mondoñedo, ampla contribución á cultura galega
A través desta iniciativa a música e a poesía danse a man nas voces dos alumnos e alumnas dos conservatorios profesionais de música de Galicia e con eles, asegura Candia, “rendémoslle unha merecida homenaxe aos poetas mindonienses”. Así, a rexedora anunciou que “teremos o privilexio de contar con 500 nenos e nenas dos conservatorios profesionais de musica da Coruña, Ferrol, Lugo, Ourense, Pontevedra, Santiago e Vigo, do coro Ángeles de Compostela da Escolanía da Catedral de Santiago; do coro de nenos da Orquestra Sinfónica de Galicia; e tamén están convidados os alumnos dos conservatorios profesionais de Viveiro e de Vilalba e das escolas de música municipais de Ribadeo e Mondoñedo”.

Na súa intervención,  Elena Candia tamén lembrou que “a nosa cidade ten feito unha contribución maiúscula á cultura galega a través dos versos de Cunqueiro, Noriega Varela, Díaz-Jácome, Leiras Pulpeiro e Iglesia Alvariño, polo que hoxe aproveitamos tamén para reivindicar o noso papel e ese lugar destacado que Mondoñedo debe ocupar como cidade no centro da cultura galega”. 

“Estamos nun escenario que vive ligado sempre a persoas ilustres e no que sempre temos efemérides que conmemorar” precisa. Así, a alcaldesa engadiu que “o Concello de Mondoñedo estará sempre do lado da educación en valores, do traballo en equipo e na defensa da cultura e a lingua galega a través dos nosos autores máis representativos”. Ao mesmo tempo agradeceu poder contribuír a por en valor e difundir a importancia da poesía e a música como vehículos de transmisión da cultura e da lingua, ao igual que, engadiu, “axudamos a tender unha ponte entre os creadores culturais do pasado, todos os autores que puxeron a Mondoñedo no mapa da cultura, e os novos creadores, o alumnado das disciplinas musicais que lle porá voz a este precioso proxecto”.
 
No bico un cantar 

Agradecementos
A alcaldesa de Mondoñedo tamén quixo agradecer o traballo e o empeño do Consello da Cultura Galega por achegar esta iniciativa desde Mondoñedo a toda Galicia, “un recoñecemento que personalizo no seu presidente, Ramón Villares, e na influencia que a bo seguro tivo o seu paso polo Seminario de Mondoñedo”.

Para a popular, esta loa debe estenderse tamén ao conselleiro, Román Rodríguez, así como a Anxo Lorenzo, “dous dos valedores da cultura desde Mondoñedo para o mundo e os verdadeiros artífices, xunto co Consello da Cultura Galega, de que o todo o noso potencial se dea a coñecer aos rapaces e rapazas dos conservatorios profesionais de música de Galicia”.
 


 
Mondoñedo en Twitter

Mondoñedo en Facebook
Destacados
Mondoñedo nevado Mindonienses en el mundo Viaje al pasado

 
© 2017 Mondoñedo en www.mondonedo.net