Mondoñedo é coñecido internacionalmente polos seus grandes poetas e escritores, pola súa catedral, pal fermosura do val,... pero a todas estas razóns hai que sumarlle o Rei das Tartas.
Con este título foi bautizado por Jácome, antigo director de La Voz de Asturias, o pasteleiro con máis fama de Mondoñedo, e que fixo viaxar a tarta da nosa cidade por todo o mundo, chegando incluso ata persoeiros tan coñecidos como O Rei de España, Camilo Xosé Cela, Manuel Fraga,...
Na actualidade o Príncipe herdeiro segue coa monarquía.

TARTA DE MONDOÑEDO

Ingredientes:

200gr. de hojaldre
200gr de cabelo de anxo
200gr. de améndoa moida
300gr. de azucre
1 vaso de auga
4 ovos
4 culleradas de azucre
4 culleradas de fariña
5 figos confitados
1/2 vaso de almíbar
8 cereixas en almíbar
Preparación:
Faise o biscoito cos ovos, a fariña e as catro culleradas de azucre, nun molde redondo. Unha vez cocido, desmóldase e remóllase con medio vaso de almíbar.
Empregando a auga e o azucre, prepárase un almíbar a punto de hebra fina onde poñeremos a cocer a améndoa uns cinco minutos.
Coa pasta do hojalde cúbrese o molde redondo que empregamos antes. Colócase enriba do biscoito, logo o cabelo de anxo e por último a améndoa.
Decórase con tiras de hojalde, formando un enrexado, e métese a tarta no forno ata que estea cocido o hojalde.
Deixase enfriar e quítaselle o molde. Para rematar decórase a tarta cos figos e coas cereixas