O segundo sábado de mes de agosto Mondoñedo transfórmase nunha cidade do medievo. O mercado que nun principio só se celebraba na xornada do sábado, prolóngase agora dende a tarde do venres ata a noite do domingo.
A Praza da Catedral, así como as principais rúas da cidade, énchense de postos onde os artesáns: ferreiros, oleiros, xastres,..., etc, amosan como se traballaba na Idade Media. Soldados, zancudos, malabaristas, músicos e ata Pardo de Cela coa súa dona tampouco faltan nesta cita medieval.
Durante o mercado, os curiosos que se achegan poden degustar as máis ricas viandas, así como participar nos xogos populares que se celebran no centro da praza.
Esta intensa xornada, na que se revive a Idade Media en Mondoñedo, remata cunha Cea Medieval.