As covas de Mondoñedo levan dous anos pechadas ó público.
En novembro de 2006, o Concello de Mondoñedo recibiu un auto xudicial onde lle ordeaban suspender o programa de visitas guiadas que se estaba levando a cabo, esta medida era adoitada polo xulgado tras recibir unha solicitude da Federación Galega de Espeleoloxía (FGE).
A cancelación do programa de visitas guiadas causou malestar entre os mindonienses, que veían como se perdía unha importante fonte de ingresos para o municipio, que estaba favorecendo notablemente á hostalaría e ó comercio da zona.  Tal foi a repercusión que se chegou a organizar unha multitudinaria manifestación para pedir a reapertura da cova.
A FGE anunciou esta semana que están mantendo contactos coa Deputación de Lugo para buscar unha saída dialogada ó pleito que manteñen ambos polo acondicionamento da cova. Para rematar o pleito, a Deputación debe renunciar ás obras que pretendían realizar na cavidade para prepararla para as visitas turísticas. Dende o Concello din que a súa intención é de reabrir a cova.