Cun prezo de dez Euros saen á rúa os 1500 exemplares da primeira edición da nova guía turística de Mondoñedo.
O arqueólogo mindoniense Abel Vigo é autor desta publicación. Nela recóllese o máis destacado do patrimonio mindoniense, tanto do casco histórico como das parroquias do municipio. Tamén se inclúe información sobre persoeiros ilustres como son Álvaro Cunqueiro, Leiras Pulpeiro ou Pascual Veiga, e sobre elementos con importante potencial turístico como a Cova do Rei Cintolo ou o castro de Zoñán.