O vindeiro 20 de febreiro, sábado de piñata, celebrarase unha nova edición do desfile-concurso de disfraces de Mondoñedo.
Os participantes percorrerán as rúas de Mondoñedo, partindo ás 17:00h dende o Campo dos Paxariños con dirección á Praza da Catedral, para logo dirixirse á Praza do Concello, lugar onde terá lugar a entrega de premios amenizada por "Chingla e Salva". ¡¡Anímate a participar!!
Ademáis, o vindeiro domingo día 14 de febreiro terá lugar o baile infantil de disfraces a partir das cinco da tarde no Casino de Mondoñedo. Neste mesmo lugar, celebrarase o luns 15 a partir das dúas da madrugada o "Baile de Antroido" amenizado polo "Trío Noroeste" e o sábado 20 ás 22:30h unha cea-baile amenizada por "Chingla e Salva". As entradas xa están á venda no "Rincón de Mondoñedo".
As bases do concurso de comparsas, charangas e disfraces están no enlace de ler máis.

1.    Tódolos participantes no Concurso deberán inscribirse no Campo dos Paxariños de 16.00 horas a 17.00 horas do Sábado, 20 de febreiro, onde se lles entregará un dorsal co número de participación correspondente.
2.    As Comparsas e Charangas terán que gardar unha entidade temática tanto no seu vestiario como na súa actuación.
3.    As Charangas e Comparsas terán como mínimo 15 participantes e farán unha escenificación.
4.    Os participantes sairán do Campo dos Paxariños e percorrerán as Rúas da Cidade ata a Praza da Catedral e rematarán o desfile na Praza do Concello.
5.    Considérase categoría infantil aqueles participantes menores de 12 anos de idade. No apartado de grupos infatil, a maioría dos seus compoñentes deberán de ser menores de 12 anos de idade.
6.    O Xurado realizará o seu labor no decurso do desfile polas rúas da cidade.
7.    Á hora de concedelos premios valoraránse aspectos coma Orixinalidade, Vestiario, Calidade musical, Capacidade de representación, etc.
8.    As resolucións do Xurado son inapelables e se o considera oportuno, pode deixar algún premio deserto.
9.    Os premios entregaranse ás 21.30 horas, na Praza do Concello.