O centro acolle esta mostra ata o vindeiro 14 de maio, e pódese visitar de 10:00 a 14:30 e de 15:00 a 18:00 de luns a venres, os sábados de 10:00 a 14:00.
Esta exposición, organizada pola Secretaría Xeral de Igualdade da Xunta de Galicia, coa colaboración do Centro de Información á Muller do Concello de Mondoñedo, recolle as historias de vida de dezaoito mestras galegas que compartiron o interese pola educación das xeracións máis novas, as que serviron de modelo profesional e vital.
Unha homenaxe ás educadoras e pedagogas que non se botaron atrás fronte ás dificultades sociais, económicas, xeográficas e históricas de Galicia entre finais do século XIX e o XX.